Conoz tol entrellizu del mundu la Sidra y esfruta dafechu d´esti productu en tierra de pumaraes y llagares.

La Sidra

La ellaboración y consumu de sidra n´Asturies vien de mui antiguo, anque somorgulase nos sos oríxenes ye una xera abegosa enforma al nun se tener documentos nos qu´ún pueda enfotase remontándose´l documentu testimonial más concretu d´esta singular bebida a la Edá Media. D´entós p acá aparecen bien de datos al rodiu de la sidra y la mazana d´esta tiera. Sábese bien, además que´cultivu de les pumaraes pa sidra emprincipia a espardese en sieglu XIII, cuando los frutales tradicionales, qu´entóncenes yeren los llimoneros y les naranxales, mun fueron a aguantar al puxar de les rexones de Llevante y foron cambiándose d´a poco por pumaraes. Na nuestra Comarca la sidra foi y ye protagonista irretrucable, hasta tal puntu que nun s´entiende una xunta familiar fiesta o feria, por pequeña o grande que seya, na que nun haya un echador espontaneu que faga que los presentes abuqueen cola so práctica y cola tovía meyor dira. 

Podemos dicir que la nuestra sidra cumple ensin reparu´l papel que-y marca la tradición: allegrar y acompañar. Esti productu, tan típicu de la nuestra tierra, supo adautase dafechu a les necesidaes del tiempu que mos toca vivir. Les certificaciones d´orixe y calidá son un pidimientu cada vez más desixiu polos bebedores. Ye por esto, y al envís de mirar pola nuestra bebida de tola vida, que se monto la Denominación dÓrixe "Sidra d´Asturies".

.Web del Consejo regulador de la denominacion de origen "Sidra de Asturias"

La Manzana

La mazana de calidá ye garantía de bona sidra. Toes nun son del mesmu valir y, por esto, convién entreneceles proporcionalmente. Por exemplu, dos tercios de mazana amargo y un de dulce dan una sidra más espeso y con más secante, conl porcentax al revés la sidra ya más claro, un pelín más floxo y de más difícil conservación. La "pañada" ye´l primer pasu en llargu y abegosu procesu d´ellaboración de la sidra. Fáese pelos meses de seronda y, como les otres xeres de la ellaboración de la nuestra bebida faese n´andecha, cuntando pa la ocasión con vecinos y familia. Lo primero ye sacudir y llimar los pumares, pa depués pañar les mazanes, meteles en sacos y llevales pal llagar, onde s´amontonen esperando´l so destín cabero: la mayada. 

El Llagar

El llagar acostuma a tar asitiáu en sitios frescos, y aque la fermentadura pide fríu. Por esto, el llagareru aveza entamar el llabor aprovechando la época na que´l clima suel ser más fríu, tirando pal iviernu. Normalmente, debería tener llugar bastante pal duernu de mayar, /recipiente nel que se mayen o machuquen les mazanes), sitiu pa les barriques y pa les botelles si nun se dispón d´otru almacén, y por supuestu, l´espaciu bastante pa trabayar col llagar col que mayamos la sidra dulce.

Esistieron bien de sistemes pa esa xera. Delles veces faciase con un llagar de viga, fechu enteru de madera, que se llamaba tamién d´apertón, que podía tener un o dos fusos y diba apretándose con una palanca.

Otres, como col llamáu llagar de pesa, que yera una prensa de viga con una piedrona colgando de tal forma qu´al facer trabayar el fusu y llevantar la piedra, l aviga calcaba más enriba la carne de la mazana. Llama enforma l´atención el nomáu "llagar de sobigaú", que pol so tamañu pide un edificiu bien grande. La sidra dulce va recoyéndose de la que sal na tina y entós pásase a los toneles, dexándolo asina que fierva hasta que, pel mes de marzu o abril o tovía más p´alantre dependiendo de lo grande qeu seya´l tonel, consíguese quel´doráu llíquido algame la graduación alcohólica qu´ha tener y entós corchalo. O bebela de frente de la barrica, sacándola pela espicha.

La Espicha

La mayor parte de lo que se producía consumíalo’l propiu llagareru, corchando lo que-y paecía que diba face-y falta pa en casa na “corchada”, que ye como se-y llama a esi llabor.
Lo que nun se corchaba, vendíase nes espichas, que garren el nome de los furacos que s’abren nos toneles, que yera la manera na que se facía d’aquella.

Normalmente, solía corchase y espichar los toneles en menguante. P'anunciar que s’espichaba un tonel, poníase un ramu de lloréu na parte de fuera del llagar y tamién a la vera del camín más cercanu. Yera típico facer les espiches “ a perrona la mexada”: los veceros podíen tar tomando sidra hasta que notaren la necesidá d’abandonar el llagar pa evacuar. Pa volver a entrar había que pagar otra perrona.

Otru tipu d’espiches yeren les que se facíen cuando’l propietariu d’un bar quería conocer la sidra d’un tonel que diba corchase. Avezaben dir con prebadores entendíos p’asegurar la calidá del productu que diben mercar. Tomábase la sidra directamente del tonel en xarra o en vasu y acompañada d’una merienda típica: güevos cocíos, tortiella de patata, chorizu, xamón, llacón cocíu, empanaes, quesu, etc. agora sigue faciéndose, tanto nos llagares “caseros” como nos que comercialicen la sidra.
Tamién yera frecuente vender la sidra nos chigres y romeríes au se llevaben los toneles enllenos cargaos en carros, hasta qu’en s. XIX, al llegar les industries cristaleres, emprincipió a embotellase, llevando les botelles metíes ente yerba pa que nun rompieren. Les caxes de sidra apaecieron más tarde y tuvieren dellos cambios. De mano yeren de 24 botelles, llueu dexárense en 20 y agora son de 12. La sidra bebíase tradicionalmente en recipientes de castañu, roble o nozal, anque, más tarde, emprincipiaren a usase recipientes de barru. Los nomes más conocíos yeren los de xarra, puchera, caciplu, cazador, tarreña o cacipla, ente otros munchos. Finalmente apaecieren los vasos de cristal, que tuvieren delles tresformaciones hasta llegar al que conocemos agora.