L’espectáculu dignu de vese que mos ufierta, colos sos contrastes, la mestura de paisaxes de mar y monte, fai que la nuestra costa seya un sitiu afayadizu enforma pa esfrutar de la tranquilidá.
Información del horariu de les marees na Costa de la Comarca de la Sidra Avisu importante: Pol desfase horariu cola hora de Greenwich, ye menester sumar a la tabla de marees 2 hores pel branu y 1 hora pel iviernu.
Playa de la Griega
Ye la playa más averada a Colunga, capital del conceyu. El ríu Lliberdón va dar, faciendo reconcos, mesmamente a la playa,. Llargor 650 m. Accesu rodáu. Entornu residencial. Servicios: Aparcamientu, baños, duches, socorristes a diariu, camping, restaurantes. En xunetu, poles fiestes de Loreto celébrase una animada xira na playa.
Escatafinos de dinosaurios
Percorríu que va del panel hasta los escatafinos, aprox. 600m. Al este de la playa, nos cantiles, atópase l’afamáu y espectacular yacimientu d’escatafinos de dinosauriu. Al par de la puente la ría atopamos un panel indicador, un camín d’unos cientos de metros escarbáu na la llomba, va llevanos hasta les icnites, que xurden equí penriba d’un estratu calizu que s’entorna un pocu pa contra la mar. Representaren el pasu de dinosaurios cuadrúpedos d’un tamañu xigantescu (saurópodos) que se movíen no que foi una antigua llaguna llamorguiosa de costa va unos 150 millones d’años. Les grandes dimensiones d’estos escatafinos, de los que dalgunos lleguen a los 1.30 metros de diámetru, fai que puedan considerase ente los más grandes descubiertos hasta la fecha en tol mundu. Na rodiada y en mesmu estratu calizu, xurden otres güelles tridáctiles, más difíciles d’identificar pol so contornu difusu, que representen rastros de dinosaurios bípedos de mayor tamañu. Entámense visites guiaes.
La Playa l´Estilleru - Llastres
El nome vien-y de ser per sieglos, el sitiu de construcción de barcos de diversu tonelaxe. Tien a favor el tar a la vera Llastres un de los pueblos más guapos y típicos de la costa asturiana. Llargor, 350m. Accesu rodáu. Entornu urbanu. Servicios: Aparcamientu, baños, duches, socorristes a diariu.
Playa de la Isla-Colunga
El nome vien-y d’una roca que ta a la manzorga, cola que se xunta a les baxamares per aciu d’un ismu. Ye la playa más visitada del conceyu. Llargor: 650m. Entornu residencial. Accesu rodáu. Servicios: Aparcamientu, baños, duches, socorristes a diariu, restaurantes y chiringuitos.
Playa´l Barrigón-Colunga
Playa pequeña asitiada na fastera este de la Playa la Isla; cuando la baxamar, axúntase a esta y a la Playa la Espasa. Comparte servicios cola Playa la Isla.
Playa la Espasa-Colunga
El ríu Espasa desemboca nesta playa y marca la raya los conceyos de Caravia y Colunga. El pelegrín de la Ruta de la Costa del Camín de Santiago, entra en Colunga pela ponte qu'atraviesa esti ríu (del que tovía se puen ver los pilares de piedra los díes de mareona). D’equí y depués de pasar pelos llugares de: Venta La Espasa (antiguu albergue de pelegrinos), El Barrigón, Bueñu, Covián, Colunga, Solriberu, La Calzada, El Terrerón, Ería de San Vicente, Venta Peón, Conlléu, Cruz de Beldréu, Pernús, Vega y La Llera, el pelegrín entra en conceyu de Villaviciosa. En llugar de La Isla atopamos l’albergue de pelegrinos.
Playa La Ñora-Villaviciosa
Atópase na parroquies de Quintueles, a 23 km. de Villaviciosa. Cuenta con un senderu interesante pel que se xube hasta un mirador asitiáu a lo cimero’l cantil. Llargor: 150 m. Accesos rodaos Entornu rural. Servicios: Aparcamientu, baños, duches, socorristes.
Playa d´España-Villaviciosa
Asitiada na desembocadura del ríu España, ente les parroquies de Villaverde y Quintes, a 20 Km. de Villaviciosa. Al ser una playa mui abierta, ye un llugar afayadizu enforma pal surf. Accesos rodaos Entornu rural. Servicios: Aparcamientu, socorristes.
Playa de Merón-Villaviciosa
Na desembocadura del río Merón allúgase esta playa ente les parroquies d’Argüeru y Careñes, a 14 Km. de Villaviciosa. Playa arrodiada de cantiles bien guapos y metanes de la Costa del Xurásicu Asturianu. Llargor: 150m. Accesos rodaos Entornu rural. Servicios: Aparcamientu, socorristes.
Playa del Riberu-Villaviciosa
Allugada metanes del afamáu puertu de Tazones, a 10 km de Villaviciosa. Na rodiada alcontramos abondos establecimientos cola meyor ufierta gastronómica de pescáu y mariscu. Llargor: 200m Accesos rodaos Entornu urbanu. Servicios: Aparcamientu, socorristes.
Playa de Tazones-Villaviciosa
Situada en el corazón del famoso puerto pesquero de Tazones, a 10 Km. de Villaviciosa. En sus inmediaciones se encuentran multitud de establecimientos con la más variada oferta gastronómica de pescados y mariscos. Longitud: 200 m. Accesos rodados Entorno Urbano Servicios: Parking, socorrista.
Playa del Puntal-Villaviciosa
Asitiada na parroquia de Samartín del Mar, a 7 Km. de Villaviciosa. Ye un sableru pequeñu a la derecha de la Ría de Villaviciosa. Hai pocu qu’iguaren un camín del que se pue esfrutar de tola guapura del so paisaxe. Llargor 100m Entornu residencial. Accesu rodáu. Servicios: Aparcamientu, duches, socorristes.
Playa de Rodiles-Villaviciosa
Ye ún de los sableros más acaecíos y populares del Principáu d’Asturies. Ye interesante enforma’l valir ecolóxicu del entornu, asitiáu metanes de la Reserva Natural Parcial de la Ría de Villaviciosa. La playa tien un senderu que va pela oriella izquierda de la Ría. Entornu residencial. Accesu rodáu. Servicios: Aparcamientu, baños, duches, socorristes.
